Бислими: Србија е меѓународно признаена како геноцидна држава и треба да одговара и за геноцидот во Косово
Косовскиот вицепремиер, Бесник Бислими изјави дека Србија, по усвојувањето на резолуцијата во Обединетите нации за признавање на српскиот геноцид во Сребреница во 1995 година и прогласувањето на 11 јули за Меѓународен ден на сеќавање на жртвите на геноцидот во Сребреница, веќе е „меѓународно признаена како геноцидна држава“ и „мора да се соочи со минатото и да понесе одговорност и за геноцидот во Косово“, јави дописникот на МИА од Приштина.
На денешната средба на Бислими со претставници на Координативниот совет на семејните здруженија на исчезнатите од војната во Косово во 1998-99 година, според соопштението на владината служба за информирање, е истакната важноста од „интернационализација на геноцидот што го изврши Србија во Косово“.
Во таа насока, речено е дека организациите можат целосно да се потпрат на поддршката на Владата, а нагласена е и неопходноста од „расветлување на злосторствата, масакрите и структурираните планови на Србија за етничко чистење на косовските Албанци“ и доведување пред лицето на правдата на одговорните за злосторствата.
-Република Косово продолжува со своите непрекинати институционални напори во оваа насока, но за жал се соочува со неподготвеност, негирање и нерешителност од српските власти за да ги расветлат. Србија, која сега е меѓународно признаена како геноцидна држава, мора да се соочи со минатото и да биде одговорна за геноцидот во Косово, се вели во соопштението од владината прес-служба.
Ново на Сител
-
СДСМ: Мицкоски да го праша Орбан зошто унгарскиот амбасадор гласал за одвојување на Македонија и Албанија
-
Сиљановска Давкова на прием кај Бајден
-
АХВ: По сомнежот на труење со храна во „Ѓорѓија Пулевски“ наредено затворање на кујната
-
Мицкоски: Унгарија е наш стратешки сојузник, продолжува економската соработка помеѓу двете држави
-
ДЗС и Народна Банка потпишаа договор за соработка и размена на податоци
-
Oрбан: Грешка е што преговорите на Северна Македонија со ЕУ се’ уште не се започнати
-
Ученици од ОУ „Ѓорѓија Пулевски“ со симптоми на труење
-
Со возило излетал од пат во Ѓорче Петров, загина 72-годишник