Бислими: Косово ќе аплицира за статусот кандидат за членство во ЕУ кон средината на декември
Косовскиот вицепремиер задолжен за европски интеграции, Бесник Бислими најави дека Косово ќе аплицира за добивање на статусот на земја кандидат за членство во Европската унија кон средината на декемви годинава, јави дописникот на МИА од Приштина.
На денешната седница на собраниската Комисија за европски интеграции, Бислими рече дека апликацијата ќе биде поднесена во координација со Чешка, која до крајот на годинава претседава со ЕУ.
– Уште на крајот на минатата година одлучивме годинава да аплицираме за статусот на кандидат. Подготвивме документ за политичката позиција и го поделивме на другите држави. Во разговори сме со Владата на Чешка за да го одредиме точниот датум, но очекуваме тоа да биде кон средината на месец декември. Знаеме дека има земји кои се рерзервирани, но тоа не ја обезвреднува апликацијата и од неа не очекуваме никакви негативни ефекти, изјави Бислими.
Тој исто така изрази уверување дека косовските граѓани ќе можат да патуваат без визи во земјите на Шенген-зоната од декември 2023 година и нагласи дека либерализацијата воопшто не е поврзана со дијалогот на Косово со Србија.
Ново на Сител
-
Магистралниот пат Охрид - Ресен затворен за сообраќај поради незгода
-
Утре температура до 39 степени, следните денови уште потопло
-
Се враќа оградата пред владината зграда во Скопје
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми