Би-Би-Си: Утре се очекува потписот врз договорот меѓу британските ториевци и северноирските унионисти

Спогодбата меѓу владеачката Конзервативна партија на Велика Британија и Демократската унионистичка партија на Северна Ирска ќе биде потпишана утре, на Твитер денеска соопшти политичкиот набљудувач на Би-Би-Си, Лора Кунсберг, цитирана од британските медиуми.

Претходно денеска во резиденцијата на премиерката се оддржа средба меѓу Тереза Меј и лидерката на унионистите и премиер на Северна Ирска, Арлин Фостер.

Премиерката Меј си замина од „Даунинг стрит“ бр. 10 без да даде никаков коментар, бидејќи брзаше на првата сесија на новиот британски Парламент.  Но, Фостер изјави дека преговорите одат добро и се надева да завршат со успех.

Официјално, конзервативците нема да прават коалиција со унионистите, туку ќе сметаат на нив при гласањето на важните закони и одлуки.