Бездушен грабеж: Крадци украле пакетчиња за хендикепирани деца

Најтажната новогодишна слика пристигннува од Сомбор, а ја засведочил сомборец кој вчера пошол на риболов. Во канал покрај еден мост Игор Боца наишол на најбездушната депонија – преку 300 празни новогодишни и божиќни пакетчиња кои им ги испратиле децата од Германија на своите другарчиња во Србија, биле отврени, испразнети и расфрлани под мостот.

„Некој им ги украл пакетчињата на децата. Срамота! Некои од нив се и за деца со ментални пречки“, напишал Боца под фотографијата што ја објавил на социјалните мрежи.

Тој вели дека го пројавил случајот, но полицијата вели дека ѝ се врзани рацете.

-Откако пријавив, дојдоа полицајци да направат службена белешка. Им раскажав, а кога ги прашав пто ќе направат, ми рекоа: Не можеме ништо, зашто никој не пријавил кражба на пакетчиња. Вака – нема пријава – нема кражба.

Граѓани на Сомбор тврдат дека гледале такви пакетчиња и на пазарите и на тезгите на уличните препродавачи, а според нив овие поакетчиња ги дели Друштвото за српско-германско пријателство „Герхард“. Во нив има училиштен прибор, играчки, капчиња и шалчиња…