„Безбедна младина, посигурна иднина“-дебата за придобивките од членството во НАТО
„Безбедна младина, посигурна иднина“ е темата на која ќе се дебатира денеска со студентите од Универзитетот ФОН во Скопје во рамките на НАТО-карванот, а како дел од активностите на проектот Инфоцентар за евроатлантски интеграции.
Според најавите, говорници на дебатата ќе бидат претседателот Стево Пендаровски и амбасадорката на Велика Британија во Скопје, Рејчел Галовеј.
Организаторот сака да поттикне дебата за придобивките од евроатлантските интеграции и зачленувањето на државата во НАТО. Идејата е настанот да им понуди можност на студентите да дознаат повеќе за процесот и важноста од евроатлантските интеграции, придобивките од членството во НАТО, улогата што НАТО ја има во одржувањето на мирот и безбедноста на Балканот и пошироко.
Инфоцентарот за евроатлантски интеграции е проект што го спроведува Граѓанската асоцијација МОСТ со поддршка од Секторот за јавна дипломатија на НАТО, Министерството за надворешни работи на Холандија, Британска амбасада Скопје и Министерството за надворешни работи на РСМ.
Ново на Сител
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место