Бесплатна правна помош за Ромите од Кавадарци

Бесплатна правна помош за Ромите од Кавадарци ќе обезбедува кавадаречкото Здружение „Тиквешки Роми“ од овој град, информираше денеска за МИА, претседателот Раим Сулејманов.

Тој вели дека покрај бесправна правна помош, проектот финанисран од Локалната самоуправа Кавадарци,  опфаќа и поддршка за заштита на човековите права и граѓанските права на Ромите.

- Целта е да се заштитат основните човекови права на Ромите  во контактите и комуникацијата со судовите, државните органи и организации и иснтитуции, а особено во Министерството за внатрешни работи, органите на локалната самоуправа, Основното јавно обвинителство, канцеларијата на Народниот правобранител и други државни органи во кои се водат постапки кои задираат во основните човекови права, нагласи Сулејманов.

Тој појасни дека обезбедувањето на бесплатна правна помош се однесува за давање правни совети при тековни судски постапки.

Истовремено, Здружението има бројни активности насочени кон едуцирање на припадниците од Ромската заедница.