Бесната толпа се обиде да ја сруши вратата: Макрон итно евакуиран од театар
Претседателот на Франција, Емануел Макрон синоќа заедно со неговата сопруга Брижит биле евакуирани од париски театар откако група на демонстранти се обиделе насилно да влезат внатре.
Нешто повеќе од 30 антивладини демонстранти се обиделе да упаднат во неодамна реновираниот театар „Буфе Ду Норд“ веднаш откако на социјалните мрежи се појавиле информации дека внатре се наоѓа Макрон со неговата сопруга.
Полицијата итно реагирала, па Макрон и Брижит биле безбедно евакуирани од театарот.
Додека претседателската колона со автомобили, придружена од засилено обезбедување ја напушташе улицата пред театарот, демонстрантите го исвиркуваа францускиот претседател и го навредуваа.
Според некои извештаи, Макрон и Брижит најпрвин со обезбедувањето ја напуштиле театарската сала на неколку минути, за потоа да се вратат на своите седишта со намера да ја догледаат претставата до крај.
Кога обезбедувањето проценило дека ситуацијата со демонстрантите може да ескалира, било одлучено претседателскиот пар да го напушти театарот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово