Бесна толпа ја нападна Тереза Меј поради загинатите во лондонскиот пожар

Британската премиерка Тереза Меј беше избркана од катедралата Сент Клементс каде што се одржуваше миса за настраданите во катастрофалниот пожар во лондонската кула Гренфел.

Насобраната толпа кога го забележа нејзиното службено возило веднаш започна да трча кон премиерката, по што полицајците беа приморани да реагираат и да формираат барикада.

Околу 70 бесни луѓе тргнаа кон премиерката, а некои се доближија доволно за да удираат по нејзиниот службен автомобил. Премиерката Тереза Меј била во катедралата околу 40 минути, а кога започнала меѓу луѓето да се шири информацијата дека таа е таму, се поголем број на луѓе започнале да се собираат на местото.