Белорусија на границата со Литванија и Полска испрати баталјон со балистички ракети
По наредба на белорускиот претседател Александар Лукашенко на границата со Литванија и Полска е испратено воено засилување.
Белорускиот министер за одбрана, Виктор Хренин, во Гродњнската област, што се граничи со Литванија и Полска, нареди да се испрати баталјон со тактички балистички ракети и повеќецевни фрлачи на проектили, како и единици со беспилотни летала и системи за воздушна одбрана, пренесе Тасс.
Претходно, Лукашенко му нареди на Министерството за одбрана внимателно да го следи движењето на трупите на НАТО во Полска и Литванија, како и да ги стави трупите на западната граница на земјата во целосна подготвеност, потенцирајќи дека ситуацијата во овој дел од земјата ескалира.
Претседателските избори се одржаа во Белорусија на 9 август, на кои, според официјалните податоци, победи Лукашенко. По објавувањето на резултатите од изборите во Минск и другите градови низ земјата избувнаа масовни протести, во кои имаше конфликт меѓу демонстрантите и полицијата. Според Министерството за внатрешни работи, повеќе од 6.000 демонстранти се уапсени за време на протестите.
Ново на Сител
-
Нестабилно со пороен дожд и грмежи од утре попладне до четврток
-
Обвинетиот за нападот на градоначалничката Арсовска не се чувствува виновен, започна доказната постапка
-
18-годишен мотоциклист почина откако се судри со „бмв“ со швајцарски национални ознаки
-
Собранието ја констатира оставката на претседателката на ДКСК Татјана Димитровска
-
Поништен тендерот за набавка на 120 електрични еколошки автобуси за јавен превоз
-
Привршува рокот за електронско пријавување за сместување во студентските домови
-
Претрес во Кочани, пронајден пиштол и марихуана
-
Директорка на училиште во Виница си ја вработила ќерката како професор по математика, иако немала соодветно образование