Белорусија ќе дозволи транзит на украинско жито во Литванија

Белорусија синоќа им соопшти на ОН дека ќе се согласи, без никакви услови, за транзит на украинско жито преку нејзина територија за да може да се извезува преку литванските пристаништа, изјави портпаролот на ОН.

Генералниот секретар на ОН Антонио Гутереш во петокот во Њујорк се состана со заменик-министерот за надворешни работи на Белорусија Јуриј Амбразевич, изјави портпаролот Стефан Дујарик по состанокот.

Амбразевич, исто така, „ги повтори барањата на неговата влада тие да можат да извезуваат свои ѓубрива, кои во моментов се под санкции“, рече тој.