Белорусија и Русија формираат заеднички Центар за обука за воздушна и противвоздушна одбрана

Белорусија најави создавање на белоруско-руски центар за обука на военото воздухопловство и противвоздушната одбрана во согласност со договорите постигнати од министрите за одбрана на двете земји.

– На територијата на Република Белорусија се планира формирање центар за борбена обука за заедничка обука на Военото воздухопловство и противвоздушната одбрана. Во Центарот ќе биде организирана заедничка обука на екипажите на авионите Су-30СМ, белоруски војници ќе бидат обучени да управуваат со современите противвоздушни ракетни системи, како и заеднички да спроведуваат обуки и борбени мисии“, се наведува во соопштението на белоруското Министерство за одбрана.

Минск оценува дека Центарот значително ќе го зголеми нивото на обука на единиците на ВВС и на ПВО на Белорусија и на воздушните сили на Руската Федерација, ќе ја зајакне практичната компонента за развој на унифициран регионален систем за противвоздушна одбрана.

Центарот ќе биде во реонот на Гродно. Предвидени се уште заеднички центра, кои ќе бидат лоцирани во Нижни Новгород и во Калининград во Русија.