Баскет Кам од Македонска Каменица победник во Супер купот

Најдобрата екипа во последните неколку години во женската кошарка,  Баскет Кам од Македонска Каменица триумфираше во Суперкупот откако во финалето славеше  со 69-61 против Бадел 1862 во СРЦ „Кале“ .

Баскет Кам подобро го отвори натпреварот (8-2), но девојките на Бадел веднаш се вратија во игра и направија целосен пресврт со серија од 7-0 (11-10).

 

По воведните возбудувања следеше доминација на Баскет Кам, кој стигна до +17 во еден момент, а на паузата замина со предност од +14 (45-31).

 

Бадел со неверојатна серија од 16-0 успеа да направи целосен пресврт во вториот дел 47-45, по што следеше девојките на Баскет Кам го вратија водството во завршницата и стигнаа до посакуваниот триумф (69-61).

 

Кејтлин Метју беше најдобра кај Бадел со 25 поени, додека најефикасна во составот на Баскет Кам беше Сања Адамовска со 21 поен.