-->
-->
Барса „ита“ кон нова титула
-->
Фудбалерите на Барселона забележаа победа во Хихон на тимот на Спортинг (3:1) и ја зголемија предноста на врвот на табелата во однос на Атлетико и Реал на шест, односно седум бодови. Овој натпревар требаше да се одигра во декември минатата година, но беше одложен поради настапот на Барселона на Светското клупско првенство.
Очекуваниот триумф на Барселона во Хихон мина во знакот на Лионел Меси, кој постигна два гола, а првиот беше негов 300-ти во 334 натпревар во Примера, со што постави единствен рекорд. Никој пред Аргентинецот не стигнал до бројката од 300 голови во Примера. Инаку подоцна Меси го постигна и 301 гол во шпанскиот шампионат.
Зад Меси, во Шпанија се Телмо Зара со 251 гол и Кристијано Роналдо со 224 голови, во 246 натпревари за Реал. Во најсилните европски првенства пред Меси се Џими Гривс кој во англиската лига постигнал 357 голови, односно Герд Милер кој во Бундеслигата постигнал 365 голови.
Што се однесува до мечот во Хихон, Меси постигна прекрасен гол во 25.минута за 0:1, две минути подоцна израмни Кастро, но Меси со својот втор гол во 31.минута ја врати предноста на Барселона. Во второто полувреме Луис Суарез промаши пенал во 62.минута, а потоа во 67.минута, Уругваецот со својот 24 гол во првенството го постави конечниот резултат.
Барселона по 24 рунди во Примера има 60 бодови, Атлетико е втор со 54, еден повеќе од Реал, а на четвртата позиција е Виљареал со 48 бодови.
-->
-->
-->
Ново на Сител
-
Средба на Исени со Филипиду: Со заеднички сили во управување со миграциите и борбата со илегалната миграција
-
Пет француски тенисери суспендирани поради местење натпревари
-
Противниците на Трамп подготвени за масовни протести низ САД
-
Уапсен 26-годишен неготинец, украл возило и под дејство на алкохол и без возачка дозвола скршил рампи на наплатни станици на автопат
-
Началниците на генералштабовите на Франција и Британија се сретнаа со Зеленски во Киев
-
МВР со апел да не се наседнува на измами со лажни сообраќајки, да се пријават во полиција
-
Претреси во струмичко, пронајдена дрога | ФОТО
-
Познати сите екипи кои се пласираа во следната рунда од Евролигата