„Бакнати од сонцето“ мултимедијален проект за лицата со попреченост

Во Националната галерија на Македонија, објект Мала станица, вечер ќе биде прикажан мултимедијалниот проект „Бакнати од Сонцето“. Проектот е резултат на работата на членовите на „Театар Пи“ Златко Митрески и Македонка Илиевска со лица со интелектуална попреченост од дневниот центар „Порака“. 

Низ ситуации и театарски игри, со лицата со интелектуална попреченост се создал материјал, кој ќе биде дел на драматургијата во театарскиот перформанс „Бакнати од сонцето“.

Акцентот е ставен на нивната способност да бидат изведувачи- перформери и ангажирано низ говорот на телото на сцена да споделат со публиката еден интимен театарски чин.