Спорт плус
12. August 2019 - 18:04

Бајлс го направи невозможното, тројно-двојна комбинација на Партер

Американската гимнастичарска суперѕвезда, Сајмон Бајлс предизвика бура реакции на Интернет, откако првпат во историјата успеа да направи тројно-двојна комбинација на партер, нешто што досега не успеал да го направи ниту една жена, ниту еден маж.

Четирикратната олимписка шампионка, која има само 22 години на националниот шампионат ги воодушеви судиите, откако претходно имаше избрано најтешка комбинација за најмногу поени.

Бајлс ја освои својата шеста американска титула на дводневниот повеќебој, со 118.500 поени, речиси пет поени пред најблиската ривалка Саниса Ли. Таа е фаворит за сите дисциплини на Олимпијадата во Токио во 2020 година.