„Бајерише Рундфунк“: 20 ранети во нападот во Минхен

Портпаролот на полицијата во Минхен Петер Бек соопшти дека најмалку 10 луѓе биле хоспитализирани по вчерашниот напад во трговскиот центар „Олимпија“ во главниот град на Баварија. 

Но, како што јави дописникот на МИА од Берлин, наспроти тврдењето на полицијата, баварскиот јавен радиотелевизиски сервис „Бајерише Рундфунк“ објави дека во нападот се повредени 20 луѓе. Засега нема потврда за оваа бројка од страна на полицијата, 

Во меѓувреме, полицијата во Минхен бара од граѓаните кои снимале видеа од нападот да не ги објавуваат на социјалните мрежи, туку да ги достават до полицијата преку специјален линк на интернет https://medienupload-portal01.polizei.bayern.de.