Бајден загрижен поради кинеските хиперсонични ракети
– Американскиот претседател Џо Бајден денеска изрази загриженост поради кинеските хиперсонични ракети, неколку дена откако медиумите објавија дека Пекинг тестирал хиперсонични ракети способни да носат нуклеарно оружје.
Запрашан од новинарите дали е загрижен поради кинеските хиперсонични ракети, Бајден одговори потврдно. Белата куќа претходно изрази загриженост поради развојот на кинеските системи за оружје, откако таа азиска земја објави дека тестира хиперсонична ракета.
Портпаролката на Белата куќа, Џен Псаки, не сакаше да коментира само за лансирањето на проектилот за време на нејзината прес-конференција.
Американскиот секретар за одбрана Лојд Остин изјави претходно дека Вашингтон внимателно го следи развојот на кинеските системи за напредни оружја, но одби да го коментира директно извештајот дека Пекинг тестирал хиперсонична ракета способна да носи нуклеарна боева глава.
Ново на Сител
-
Советниците во Град Скопје треба да се изјаснат за времено отстапување на Универзалната сала на Владата
-
Алармантна е состојбата со нивото на водата во Преспанското Езеро
-
Постои опасност жителите на Општина Карбинци да останат без вода за пиење во летните периоди
-
Се судрија два американски воени хеликоптери
-
Протести во Битола и Скопје поради смртта на шестгодишната Јана од Битола
-
Антиќ уште четири години на чело на македонската кошарка
-
Вечерва во Скопје и Битола протести за смртта на малата Јана
-
Тема на денот со доктор Александар Станов, директор на судска медицина