Бајден во предност во однос на Трамп
Поранешниот американски потпретседател Џо Бајден води со 11 проценти пред шефот на државата Доналд Трамп, во најновата анкета на Универзитетот Квинипек, која покажува дека Американците не ја одобруваат работата на актуелниот претседател во врска со спречувањето на епидемијата на Ковид-19 во САД.
Според анкетата објавена синоќа, Бајден, кој е се поизвесниот претседетателски кандидат од Демократската партија, е поддржан од 50 проценти од гласачите, додека за републиканецот Трамп би гласале 39 проценти на претседателските избори во ноември.
Од регистрираните демократи, 88 проценти изјавиле дека ќе гласаат за Бајден, а само пет проценти се изјасниле дека ќе гласаат за Трамп. Од републиканците, пак, 87 проценти би гласале за Трамп, додека осум проценти го избираат Бајден. Резултатот кај независните е 47 проценти наспроти 36 отсто во полза на Бајден.
Водството на Бајден е зацврстено во спордба со минатиот месец, кога во истата анкета тој водел со 49 проценти наспроти 41 отсто за поранешниот потпретседател на САД.
Бајден добива предност во анкетите во момент кога економските оператори во САД започнуваат со внимателно отварање на работата и покрај пандемијата на коронавирусот. Се повеќе гласачи не одобруваат како Трамп се справува во одговор на коронавирусот. Педесет и еден процент од гласачите ја одобруваат неговата работа, додека 56 проценти не ја одобруваат, во споредба со април, кога 46 проценти од гласачите одобрувале, а 51 процент не одобрувале.
– Предноста на Бајден укажува дека во најдобар случај, довербата кон претседателот Трамп е нарушена, додека во најлош, како што се зголемува бројот на заразени од коронавирус, се доведува во прашање разумноста на Трамп, а ноември е се поблиску, изјави Тим Малој, анкетен аналитичар од Универзитетот Квинипек.
Анкетата е спроведена откако универзитетот Колумбија вчера објави анализа дека доколку мерките за физичка дистанца во САД би биле воведени две недели порано, односно на 1 март кога епидемијата започна да се шири, би биле спасени 36.000 животи.
Во САД досега од Ковид-19 починаа над 96.000 лица, додека регистрирани се повеќе од 1,6 милиони заразени луѓе.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО