Баерн елиминиран во четвртфиналето од ЛШ

 Виљареал синоќа одигра нерешено 1:1 на гостувањето во Минхен со Баерн во реваншот од четвртфиналето во Лигата на шампионите. За прв пат од сезоната 2018/19, Баерн не успеа да победи на две последователни средби во европските натпреварувања.

Баварците поведоа со голот на Роберт Левандовски во 52. минута, а конечните 1:1 ги постави Самуел Чуквузе во 88. минута.

За потсетување, во првата четвртфинална средба шпанскиот тим победи со минимален резултат 1:0. По резултатите од два натпревари, Виљареал се пласираше во полуфиналето на Лигата на шампионите, каде што ќе игра против победникот од пресметката помеѓу Бенфика и Ливерпул (прв натпревар – 1:3).