Македонија
6. January 2018 - 15:43

Бадникова поворка во Битола

Дечиња и ученици од битолските основни училишта денеска во Битола одржаа Бадникова поворка пеејќи ја Божиќната песна „Вечиот бог“, со што го одбележаа Бадник. 

Тие ја посетија и градоначалничката на Битола Наташа Петровска. 

- Низ детските насмевки што ги гледам, и сјајот во нивните очи, уште еднаш се потсетуваме дека топлината во нашите срца, љубовта едни кон други е најзначајниот сегмент од нашето живеење и дека, токму тоа е она што треба да го носиме во текот на целата година, зошто само на таков начин, ќе умееме едни кон други да изградиме доверба и да направиме сите заедно за нас да биде подобро, рече градоначалничката Петровска на средбата со младите од овој град. 

Бадниковата поворка од административната зграда на општина Битола продолжи по Широк Сокак, а заврши во Храмот Свети Великомаченик Димитриј.