Австрија против проширување на Еврозоната
Австрискиот канцелар Кристијан Керн и шефот на дипломатијата Себастијан Курц го одбија предлогот на претседателот на Европската комисија, Жан-Клод Јункер за вклучување на сите членки од ЕУ во Еврозоната.
- Сметам дека тој концепт е непромислен, изјави Керн за австриското државно радио О1.
Тој изјави дека за прием во Еврозоната секоја земја мора да ги исполни критериумите од Мастрихт, додавакќи дека на ЕУ и е потребно „повеќе Европа“ во економијата, борбата против даночните измами, дампинг цените на трудот и социјалните услуги.
- Се додека не биде спроведено сето ова, проширувањето на Еврозоната нема никаква смисла, бидејќи со тоа само би се зголемиле проблемите, нагласи Керн.
Тој додаде дека одличен пример за тоа што би можело да се случи ако во Еврозоната бидат примеми земји што не ги исполнуваат критеирумте е Грција, која, според него, придонела само за зголемување на проблемите, но не и за економска соработка.
Шефот на австриската дипломатија Курц исто така ја посочи Грција како пример за тоа дека во Еврозоната не треба да бидат примени земји што не ги исполнуваат условите.
- Еврото и Еврозоната беа и остануваат отворени, но само за оние што ги исполнуваат критериуните. Се додека критериумите не бидат исполнети, не може да се спроведе проширување (на Еврозоната), рече Курц.
Според него, членките на Еврозоната треба да ја избегнат можноста повторно да се доведат во иста ситуација како со Грција, со некој друга земја.
- Поради тоа мора прво да се исполнат критериумите, а потоа и да се почитуваат, додаде Керн.
Ново на Сител
-
Ќерката на загинатиот скопјанец: Се зацрни уште една фамилија, дали ќе има крај на ова
-
Го прегазил на пешачка со мотор и избегал, детали за сообраќајката во која скопјанец загина на кеј кај „Жабар“
-
Најмалку 51 лице загинаа во монсунските дождови во Индија, 22 се водат како исчезнати
-
Две лица починаа поради топлотниот бран во Франција
-
Битолчанка лажно се претставила како вработена во МВР и измамила сограѓанин за 22 500 евра
-
Турските власти запленија 825 килограми хероин во операција во Адана
-
Без вода неколку улици во Скопје поради дефект
-
Жена нападната од мечка на шумски пат во тетовско