Австралија по продолжение подобра од Сирија

Со двата гола на Тим Кејхил фудбалската репрезентација на Австралија успеа денеска да ја совлада Сирија со 2:1 во реванш баражот од квалификациите за Светското првенство во Русија 2018 од азиската зона. На првиот натпревар беше 1:1 и Австралија со вкупни 3:2 се избори за нов бараж дуелот против четвртопласираната селекција од КОНКАКАФ зоната. 

На денешниот дуел Сирија поведе со голот на Ал Сома во 6.минута, а Кејхил првиот гол го постигна во 13.минута. По 90 минути резултатот беше 1:1 идентичен како на првиот дуел. Во продолжението Кејхил во 109.минута го постигна вториот гол за триумф на својата селекција.

Која репрезентација ќе биде противник на Австралија ќе биде познато вечерва по одигрувањето на дуелите од 10.коло од КОНКАКАФ зоната.

Бараж натпреварите ќе се играат на од 6 до 14.ноември.