Медицинските сестри бараат закон со кој се регулира нивната дејност

Во Македонија се уште нема закон за медицински сестри. Иако ги дале предлозите, работеле на тоа и биле во работните групи во кабинетите на сите министри за здравство, со секоја смена на раководните структури работите се враќале на почеток.

Медицинските сестри и акушерки сметаат дека со законот ќе се регулира нивната дејност и ќе се знаат одговорностите. 

Акушерките, се третирани по некои правилници во самите болници и се уште се сметаат за продолжена рака на докторите. 

За потребата од ваков закон се зборува со години наназад, а според дел од медицинските сестри сега тој се подготвува кога се излеваат илјадници работници токму од овие стручни кадри.