Атлетико Мадрид се вклучува во трка за потписот на Осимен

Шпанскиот прволигаш Атлетико Мадрид е заинтересиран да ги засили своите редови со напаѓачот на Галатасарај, Виктор Осимен, поради неизвесноста околу иднината на Хулијан Алварез, кој се поврзува со трансфер во Барселона, објави вечерва весникот „АС“.

Манчестер Јунајтед, Арсенал и ПСЖ се исто така заинтересирани за 27-годишниот нигериски репрезентативец.

Осимен е во Галатасарај од летото 2025 година, изминатата сезона на 33 натпревари постигна 22 гола и додаде осум асистенции.

Неговиот договор со Галатасарај истекува во лето 2029 година.