Атлантска туна продадена за 108.500 евра во Токио

Сопственик на синџирот суши ресторани ја купи денеска за 108.500 евра првата атлантска туна оваа година на познатиот пазар Чикиџи во Токио, најголем рибен пазар во светот.

Цената од 14 милиони јени (108.500 евра) за џиновска туна оваа година е три пати поголема во однос на 2015 година, но под рекордот  во 2013 година кога е продадена за 155,4 милиони јени (тогаш 1,2 милиони евра).

Туната минатата година беше продаденаза 4,51 милиони јени (31.350 евра).

Овогодишната туна ја купи Кијоши Кимура, сопственик на синџирот ресторани Суши Занмај.

Продадената туна уловена е рано изутринава кај градот Ома, на северниот дел на Јапонија.

Јапонците се големи љубители на атлантска туна кои обично ја јадат сурова како суши  или сашими. Таквото јадење, од тој вид туна, чини околу три илјади јени (23 евра) во подобрите ресторани во Токио.