Атина: Ситуацијата со мигрантите на Хиос е дојдена до критична точка
Грчкиот министер за миграциска политика Јанис Музалас денеска изјави дека ситуацијата во камповите за мигранти на Хиос е доведена до критична точка.
Како штоо јави дописникот на МИА од Атина, во говор во грчкиот Парламент по последниот обид за самоубиство на мигрант, кој се самозапали на Хиос, Музалас рече дека „ситуацијата на Хиос го надминува она што островот може да го поднесе“.
Според министерот, на грчкото копно досега се пренесени 2.500 бегалци и мигранти, а 1.200 сами се префрлиле.
Најдобар начин, според него, за процесот за барање азил да оди побрзо и да се зголеми бројот на мигранти што се враќаат во Турција, е да се создадат „затворени“ прифатни центри, за кои владејачката партија Сириза се изјасни против кога беше во опозиција.
Според официјални податоци, на Хиос има вкупно 3.500 мигранти и бегалци.
Еден 29-годипен Сириец вчера се обиде да се самоубие со самозапалување, при што се здоби со тешки изгореници. Тој во моментов се наоѓа во болница во Атина, и неговата состојба е критична. Во болница е и 32-годишен полицаец кој се обидел да го спречи самоубиството, со тешки изгореници на рацете и лицето.
Ново на Сител
-
Штети во Свети Николе и Неготино поради невреме, четири пожари на отворено, известува ЦУК
-
Израел планира да ја користи сателитската интернет услуга Старлинк во случај на конфликт со Хезболах
-
Министерот Муцунски ја продолжува посетата на Брисел со средби со претставници на ЕУ
-
Промоција на нов електронски дневник за работа на училиштата
-
ХРТ: Се е подготвено за воведување задолжителен воен рок
-
Американскиот суд го ослободи Асанж по спогодбата за признавање вина
-
Русија и Украина разменија по 90 затвореници
-
Претпладне сончево, попладне пороен дожд, грмежи и силен ветер