Антонон: Срдечен и конструктивен состанок со Трамп

Новиот амбасадор на Русија во САД, Анатолиј Антонов изјави дека имал срдечен и конструктивен состанок со американскиот претседател Доналд Трамп.

- Ме прими претседателот Трамп и му ги предадов акредитивите. Атмосферата беше мошне срдечна, конструктивна и пријатна, рече Антонов, јави ТАСС.

- Се договоривме дека ќе ја продолжиме нашата соработка. Реков дека се надевам дека ќе работам со американската Влада на подрачјето на руско-американските взаемни интереси. Што се однесува до Русија ние сме подготвени тоа да го направиме, да преземеме конкретни чекори, додаде Антонов.

Тој го замени Сергеј Кисљак, кој е предмет на истрагата за наводните врски меѓу советникот на Трамп и Русија за време на предизборната кампања во САД во 2016 година.

Русија ја негира вмешаноста во изборите.

Антонов е роден во 1955 година, дипломирал на мосовскиот Државен институт за меѓународни односи во 1978 година. Од 2004 до 2011 година беше на чело на Одделот за безбедност и разоружување на руското Министерство за надворешни работи, додека од 2011 до 2016 година беше на должноста заменик-министер за одбрана. ац/08:46

###