Анкета: Околу 46 отсто Срби сметаат дека кризата во Украина ќе трае со години

Околу 46 отсто Срби сметаат дека кризата во Украина ќе трае со години, додека 64 проценти од нив се плашат дека конфликтот би можел да предизвика светска војна, покажа истражување што го спроведе агенцијата Фактор плус.

Како што јави „Блиц“, само четвртина од испитанците веруваат дека конфликтот во Украина ќе биде решен во наредните неколку дена, или недели.

На прашањето какви последици ќе има врз Србија, 63 отсто од испитанците навеле дека првенствено тоа ќе бидат економски, а 58 проценти од анкетираните сметаат дека ќе бидат политички. Околу една третина од Србите веруваат дека конфликтот во источна Европа, воено ќе се одрази на Србија.