Анкета: Неизвесен победникот на изборите во Грција
Само две недели пред предвремените избори во Грција, кои ќе се одржат на 20 септември, анкетите покажуваат дека победникот не е сигурен, со оглед на тоа што најголемите партии Сириза и Нова демократија се многу блиску со проценти, јави дописникот на МИА од Атина.
Истражување што го спроведе „Капа рисрч“ за неделното издание на „То Вима“ покажа дека за Сириза би гласале 26,5 проценти од гласачите, за Нова демократија 25,9 отсто, за Златна зора 6,5, Потами 5,1, Комунистичката партија на Грција 5,3, за Независни Грци три проценти, ПАСОК 5,8, Национално единство 4,7, Унија на центристи 3,5, за други партии 2,1 и неопределени се 11,6 проценти од Грците.
Вкупно 46,1 проценти од испитаниците сметаат дека Сириза ќе победи, 34,5 отсто мислат дека тоа ќе биде Нова демократија, 1,5 отсто веруваат дека тоа ќе биде некоја друга партија, додека 17,9 не можат да се одлучат.
Главната порака на лидерот на Сириза Алексис Ципрас е дека тој го претставува „новиот“ и бара од гласачите да не се враќаат кон стариот политички ситем. Анкетата покажа дека 36,6 проценти се согласуваат со оваа негова изјава, додека 56,3 не се согласуваат. Слично на ова, 39 проценти го поддржуваат ставот на Евангелос Меимаракис дека Нова демократија ќе обезбеди неопходна политичка стабилност, додека 54,8 не се согласуваат.
Од минатата недела зголемена е и популарноста на Меимаракис, и за првпат го помина Алексис Ципрас. Така 44,8 проценти од гласачите го фаворизират Меимаракис, за Ципрас се 44 проценти, Теодоракис има 36,1, Фофи Генимата 35,9, а Панос Каменос ја има поддршката од 25,7 проценти од гласачите.
На прашањето кој е посоодветен премиер, Алексис Ципрас доби 37,2 проценти од гласовите, Меимаракис 35,2 отсто, 21,7 одговориле „ниту еден“, а 5,9 биле неодлучни. Во претходната анкета Ципрас доби 40,5 од гласовите, додека Меимаракис 33,1 проценти.
Ново на Сител
-
Тема на денот со Ивица Боцевски
-
„Шопен под отворено небо“ во Градскиот парк
-
ДИК ги усвои конечните резултати: Гордана Силјановска Давкова е новата претседателка на Македонија
-
ВМРО-ДПМНЕ ги почна преговорите со коалицијата „ВРЕДИ“
-
Состанок на Европскиот фронт на ДУИ
-
ДИК во понеделник ќе ги разгледува приговорите за парламентарните избори
-
Мицотакис бара почитување на Преспанскиот договор
-
Тројца министри за здравство стануваат пратеници