Анкета: Најголем дел од Словенците сметаат дека се подобрува ситуацијата со епидемијата

Според анкетата што ја објави Словенечката информативна агенција (СТА), 70 отсто од граѓаните сметаат дека се подобрува ситуацијата со епидемијата на коронавирусот во земјата.

Резултатите покажуваат дека граѓаните се по оптимистички гледаат на исходот од епидемијата, бидејќи пред една недела, истражувањето на јавното мислење покажа дека 57 отсто од Словенците сметаат дека работите се движат во позитивна насока.

Според резултатите на агенцијата Валикон која ги прави овие истражувања, една петина од испитаниците кажале дека последните мерки на Владата за ограничувањето на движењето на граѓаните со цел да се спречи ширењето на коронавирусот се престроги.