Анкета на „Павел Шатев“: ВМРО-ДПМНЕ води пред СДСМ

Доколку идната недела се одржат избори, ВМРО ДПМНЕ би освоиле 26.9, а СДСМ 18.9 проценти од гласовите покажува последната анкета на Институтот Павел Шатев спроведена на репрезентативен примерок од 1230 испитаници, објавена денеска.

 На трето место според истата анкета е ДУИ со 4,3 проценти доверба кај гласачите, БЕСА со 4,0 и Алијанса на Аалбанците со 2,1.

Никола Груевски има најголема доверба од 27,3 отсто од граѓаните, а Зоран Заев ја ужива поддршката од 15.5 проценти од анкетираните. Далеку зад нив е Ахмети со 4.1 отсто доверба, Билал Касами со 3.2, Села 2.4, Мендух Тачи со 1.1 и Љубчо Георгиевски во кого веруваат само 0.1 отсто од испитаниците.

55.1 процент од анкетираните одговориле дека не се задоволни од работата на новата влада во првите 100 дена, а 59.3 отсто очекуваат таа да работи полошо во иднина.

Анкетата како што посочуваат од Институтот Павел Шатев е спроведена во периодот помеќу 9 и 12 септември во сите шест изборни единици.