Анкета: Мнозинството Американци сметаат дека Трамп се мешал во истрагата за Русија
Категорично мнозинство Американци сметаат дека претседателот Доналд Трамп интервенирал во истрагата за претпоставената вмешаност на Русија во нивните избори и можните тајни договори со луѓе од неговиот предизборен штаб, покажува новата анкета, цитирана од американските медиуми.
Само една петина од анкетираните ја поддржуваат одлуката на Трамп да го смени директорот на ФБИ, Џејмс Коми.
По медиумски експонираното сослушување на Коми во американскиот Конгрес сондажата на јавното мислење на Асошиетед прес (АП) и институтот НОРК (NORC) покажува дека 68 проценти од Американците се најмалку умерено растревожени од можноста претседателот или претставници на неговиот предизборен штаб да имале неумесни врски со Русија.
Речиси половината од анкетираните кажале дека се многу вознемирени, а едвај 30 отсто кажале дека не се растревожени.
Односот на Американците кон ова прашање во голем степен се определува од нивната партиска припадност. Шеесет и два проценти од републиканците изјавуваат дека не се особено загрижени или воопшто не се растревожени од евентуалните руски врски.
Малку над половината Американци, пак, кажуваат дека не го одобруваат сменувањето на Коми, а делот на демократите кои изразиле такво мислење изнесува 79 проценти. Во целина, едвај 22 отсто од Американците го поддржуваат отстранувањето на директорот на ФБИ од функцијата.
Анкетата беше спроведена од 8 до 11 јуни, а во не аучествуваа 1.068 полнолетни граѓани на САД.
Ново на Сител
-
Стејт департмент: Водењето бизнис во Северна Македонија е генерално лесно, главен предизвик е корупцијата
-
Грејната сезона почнува на 15 октомври, но ќе почне од 1 октомври доколку температурата е еднаква или помала од 12 степени Целзиусови
-
Нагло заладување и обилен дожд, снег на планините од четврток
-
Шукова: Мојот план е Скопје без диви депонии
-
Кратери: Мобилизација, време е повторно да покажеме дека сме срцето на Силекс
-
Започнува грејната сезона, апел до граѓаните за навремена подготвеност
-
Седумнаест случаи на труење од штипска сендвичира, кај дел од нив изолирана салмонела
-
Драчево без вода