Анкара: Германија не може да ја диктира политиката на ЕУ

Турскиот министер за Европска унија Јомер Челик наведе дека изјавата на германската канцеларка Ангела Меркел за запирањето на проширувањето на царинската унија меѓу Анкара и ЕУ нанесува штета на кредибилитетот на Унијата. 

- Коментарот на Меркел, што беше даден синоќа, е несоодветен, нагласи Челик на прес-конференцијата во Анкара. 

Тој додаде дека политиката на ЕУ не може да се определува од страна на една одделна земја. 

Челик оцени дека Турција и ЕУ ќе профитираат од измените во царинската унија и го повика Берлин да одговори на барањето на Турција за испорачување на професорот по теологија, осомничен дека имал клучна улога во минатогодинешниот обид за воен преврат.

- Во секој случај во моментов нема да ја прошируваме царинската унија со Турција. Не станува ни збор за проширување, истакна синоќа Меркел.