Анагностопулу: Граѓаните од Северна Македонија сакаат европска перспектива за нивната земја
Двајцата кандидати кои го поддржуваат Договорот од Преспа имаат 11 отсто повеќе гласови од кандидатката од националистичкиот блок, вели алтернативната министерка за надворешни работи на Грција, Сиа Анагностопулу во интервју за радиото “Практорио фм” на грчката новинска агенција АНА-МПА, во однос на резултатите од првиот круг од претседателските избори во Северна Македонија, јави дописничката на МИА од Атина.
Анагностопулу смета дека не е веројатно да биде избрана Силјановска, но додава дека дури и да се избере, на меѓународно ниво нема да направи ништо во однос на Договорот од Преспа.
-Сметам дека и ВМРО има сфатено дека ниту може да направи нешто, ниту пак сака, бидејќи ќе има реакција од народот, бидејќи граѓаните од Северна Македонија сакаат европска перспектива за нивната земја, сакаат отворање кон светот, бидејќи затвореноста, тоа дека немаа контакти со Грција, и нив самите ги чинеше многу, вели Анагностопулу во интервјуто, пренесе МИА.
Алтернативната министерка за надворешни работи на Грција рече дека оваа седмица, во грчкиот Парламент ќе бидат доставени двете спогодби што се однесуваат на отворањето на новите гранични премини меѓу двете земји.
Во однос на комисијата за трговските ознаки, Анагностопулу вели дека учествуваат бизнисмени и експерти за да ги решат проблемите што би произлегле.
-Она што го констатиравме е дека нашите производи ПОП (заштитена ознака на потекло) и ПГЕ (заштитена географска ознака) се апсолутно обезбедени. За оние за кои може да постојат проблеми, за тие ќе биде комисијата, за да даде решенија, вели Анагностопулу.
Ново на Сител
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“
-
Албанија „ќе увезе“ 40.000 работници од Филипините