Амнести Интернешнал со осуда за изборот на Раиси за претседател на Иран
Амнести Интернешнл (АИ) го осуди изборот на Ебрахим Раиси за претседател на Иран и повика на истрага против него за „злосторства против човештвото“.
„Фактот дека Раиси ја достигна позицијата претседател, наместо да биде под истрага за злосторства против човештвото поради убиства, киднапирања и тортури, е мрачен потсетник дека во Иран владее неказнивост“, оцени во писмената изјава генералната секретарка на АИ, Агнес Каламар.
Организацијата, според соопштението, презентирала докази во 2018 година дека Раиси бил член на комисија што насилно киднапирала и без судска одлука тајно погубила илјадници политички неистомисленици во затворите Евин и Гохардаш кај Техеран во 1988 година.
Иранските власти сè уште систематски ги прикриваат местата каде што се наоѓаат телата на жртвите, а Каламар го оцени тоа како злосторство против човештвото.
Во соопштението се додава дека тој, како министер за правда на Иран, учествувал во прогон на стотици неистомисленици и активисти и во кршење на човековите права.
Како што се наведува, Раиси дојде на претседателската функција „по изборниот процес кој беше спроведен во крајно репресивно опкружување“.
„Забрането е да се кандидираат жени, припадници на верски малцинства и кандидати со спротивставени ставови“, рече Каламар, повикувајќи ги членовите на Советот за безбедност на Обединетите нации да преземат „конкретни чекори за решавање на кризата на системска неказнивост во Иран“.
Ново на Сител
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание