АМЕРИТ: Неизбежни промени во транспортот од зголемување на акцизата за дизелот
По најавата за зголемување на акцизата за дизелот неопходна е детална анализа за влијанието, но неизбежно ќе има промени во транспортот, оценија денеска од Стопанската интересна заедница за патен транспорт Македонија сообраќај - АМЕРИТ.
- Неопходна е детална анализа за тоа колку и какво ќе биде влијанието, земајќи го предвид фактот дека промената нема да влијае само на транспортот. Во постојана координација сме со нашите членки, и будно ќе ги следиме процесите кои би случиле со оваа промена. Генерално, очекувањето е дека промена во патниот транспорот неизбежно ќе има, велат за МИА од СИЗ „Македонија сообраќај“.
Министерот за финансии Драган Тевдовски, вчера, претставувајќи го Предлог буџетот за 2018 година рече дека од 1 јануари Владата планира да ја зголеми акцизата на нафтата за три денари.
Со зголемување на акцизата и пресметанито ДДВ цената на нафтата ќе биде повисока за 3,5 денари, но според Тевдовски и со ова зголемување цената на нафтата во Македонија ќе остане најниска во регионот.
Причина за зголемување се ЕУ препораките за заштита на животната средина и намалување на загадувањето.
Очекуваниот ефект од зголемување на акцизата во Предлог-буџетот за 2018 година ќе изнесува 1,6 милијарда денари, а од ДДВ-то 350 милиони денари и дополнителни приходи за Јавното претпријатие за државни патишта.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО