Американските специјални сили наскоро во Сирија
Десетина припадници на американските сили за специјални операции наскоро ќе пристигнат во Сирија, како што вети администрацијата на претседателот на САД Барак Обама, соопштија денеска претставници.
- Многу брзо ќе дојдат, изјави Брет Мекгарк, специјален пратеник на Обама на меѓународната коалиција, која ги бомбардира положбите на ИД во Сирија и Ирак.
Мекгарк во емисијата „Фејс д нејшн“ на Си-Би-Ес рече дека силите ќе имаат задача да ги организираат локалните сили кои се борат против борците на ИД на северот на Сирија.
На крајот на октомври Обама одобри дека групата, која нема да брои над 50 специјалци, ќе биде распоредена во Сирија. Тие нема да учествуваат во борбите, туку ќе имаат улога на советници да помогнат во координацијата на локалните сили.
Тоа ќе биде прво официјално распоредување на американски сили на терен во Сирија од формираната меѓународна коалиција против ИД.
Ново на Сител
-
Одбележување на 5 Maj - Денот на македонскиот јазик
-
Православните верници го слават Велигден
-
ЦУК: Имаше пожар во Домот за стари лица во Банско
-
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
-
Италија ја исклучи можноста за воена интервенција во Украина
-
Русија распиша потерница и за командантот на копнените сили на Украина, Пављук
-
Шолц го осуди нападот врз европратеник од германската Социјалдемократска партија
-
Состојба на патиштата