Американскиот Конгрес одобри финансирање на владата до 19 јануари

Американскиот Конгрес го одобри барањето на претседателот на САД Доналд Трамп да се усвои краткорочна мерка за финансирање на централниот буџет, што ќе важи до 19 јануари.

Во Сенатот, 66 сенатори гласаа за, а 32 беа против, додека во Претставничкиот дом барањето беше одобрено со 231 глас за и 188 против. Главната поддршка за предлогот дојде од владејачката Републиканска партија. 

Со гласањето во Конгресот, се избегнува опасноста од блокада на финансирањето на американската Влада, што се должи на неможноста на Конгресот да постигне долгорочно решение за кревање на горната граница на американскиот долг.

Со ова воедно се отвора пат за претседателот Трамп да ја потпише даночната реформa.