Американски научници потврдија: Зика предизвикува дефекти при раѓање

Американски научници и здравствени работници потврдија дека вирусот зика предизвика дефекти при раѓањето, вклучувајќи и микроцефалија.

Ваквата потврда доаѓа по неколку месеци дебати и неизвесност во врска со последиците што ги предизвикува овој вирус.

- Научниците од Центарот за контрола и превенција за болести (ЦДЦ) по внимателното разгледување на постоечките докази, заклучија дека зика предизвиккува микроцефалија и други тешки нарушувања на мозокот, се наведува во соопштението на Центарот. 

Заклучокот е базиран на повеќе истражување извршени во Бразил, каде минатата година се родија илјадници бебиња со аномалии, за кои се претпоставуваше дека се поврзани со инфекциите предизвикани од вирусот Зика.