Албанскиот претседател Нишани во посета на Италија, Мета во Грција

Албанскиот претседател Бујар Нишани од синоќа е во официјална посета на Италија, по покана на неговиот колега Серџо Матарела.

По средбата на двајцата претседатели планирана е средба на делегациите на двете држави.

Според агендата, Нишани ќе се сретне со претседателот на италијанскиот сенат Пиетро Грасо, како и со претседателот на Комисијата за надворешна политика и емиграција во италијанскиот сенат, Пјер Фердинандо Касини.

Денеска, во тридневна посета на Грција, ќе отпатува спикерот на албанскиот парламент Илир Мета, по покана на неговиот колега Никос Воутсис.

Освен средбата со неговиот домаќин, Мета ќе биде примен и од грчкиот претседател Прокопис Павлопоулос, а ќе се сретне и со премирот Алексис Ципрас.

- Целта на посетата е зајакнување на односите и соработката меѓу двата парламента и двете земји членки на НАТО и учеството во евопското интегрирање на регионот, објавуваат албанските медиуми..

И Нишани и Мета за време на посетите на Италија и на Грција ќе имаат средби со претставници на друштва на Албанците во овие две земји.