Албанија: Се вакцинираат познати личности од културата и политичкиот живот, постари од 80 години
Во Албанија продолжува вакцинацијата против Ковид-19, со којa до сега се опфатени околу пет илјади здравствени работници, и лица од домови за нега на стари лица.
Како што претходно најави премиерот Еди Рама, денеска почна имунизацијата на познати личности од културата и политичкиот живот постари од 80 години, меѓу кои и поранешниот претседател Алфред Моисиу, познатите актерки Маргарита Џепа и Тинка Курти и режисерот Димитар Анагности.
Во стадонот „ Air Albania“ каде се врши вакцинацијата во Тирана, беа и премиерот Рама и министерката за здравство Огерта Манастирлиу.
Рама на новинарско прашање одговори и на обвинувањата на опозицијата и претседателот Илир Мета, зошто се прави поделба, а не се почнува со вакцинација на целата постара популација.
-Непотребно го искажаа својот гнев против мене и владата. Не е достојно да се подигне целата оваа бура, бидејќи овие личности му дадоа вредност на нашето општество.Станува збор за неколку десеттина лица, што во тежината на вакцините што ќе бидат направени, се само неколку капки вода во морето, рече Рама.
Најави дека набрзо со пристигнувањето на новата количина вакцини ќе почне вакцинацијата на целокупната постара популација.
Во меѓувреме во Албанија продолжуваат високите дневни бројки на заразени со Ковид-19. Вчера беше регистриран нов негативен рекорд од 1.153 новозаразени, во списокот на оздравени се внесени 928 а починаа 17 пациенти, од 48 до 83-годишна возраст.
Ново на Сител
-
Почна со работа Работната група за воспоставување на Регистар за недвижниот имот на државата
-
Кривична за автомеханичар од Охрид: Вадел исправни делови од автомобили и ги продавал
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа
-
Претседателката на ЕК Урсула фон дер Лајен в четврток во Скопје
-
Битолчанец пронашол 10 рачни бомби при чистење на стан