Албанија му враќа на Бразил 26 тони месо поради салмонела
Албанската Национална комисија за храна соопшти дека ја враќа пратката со месо во Бразил, откако при проверките било утврдено присуство на високо ниво на салмонела.
Приближно 26 тони смрзнато месо од живина, увезено од албанска компанија, се блокирани во пристаништето Драч од почетокот на месецот.
Во соопштението од албанската Национална комисија за храна се дополнува дека месото од живина ќе биде вратено во Бразил, откако ќе биде комплетирана потребната документација во царината.
Бразил е главен извор на месо од живина и свинско месо за албанските увозници.
Во март се значително намалени количествата извоз на месо од Бразил, откако истражителите открија дека бразилски здравствени инспектори биле потплатени да го занемарат фактот дека на голем број пратки им е истечен рокот.
После овој скандал, албанските власти детално го контролираат месото увезено од оваа најголема јужноамериканска држава.
Ново на Сител
-
Бојмацалиев: Над 603.000 патници на Меѓународниот аеродром Скопје, во првото тримесечје од 2024
-
Во ЗОО Скопје се роди двогрба камила
-
Тешко повреден малолетник во сообраќајка на патот Охрид-Ресен
-
Над 157.000 Грци се пријавиле за поштенско гласање на евроизборите
-
СПМ повикува на масовна излезност на 8 мај, за иднина и стабилност на државата
-
Уапсени и осудени двајца државјани на Македонија за внесување фалсификувани бланко документи во Грција
-
Александар Николовски од УКИМ избран за претседавач на Националното студентско тело
-
Русија: Убиени пет напаѓачи и двајца полицајци во Република Карачај-Черкезија