Активни 2.683 случаи на Ковид-19, од кои 856 во Скопје
Со регистрирани 131 нов случај од вкупно 1.297 тестирања во изминатите 24 часа, моменталниот број на активни случаи во земјата изнесува 2683, од кои најмногу 856 се во Скопје и 377 во Куманово, додека без регистрирани активни случаи се градовите Ресен и Крушево.
Вкупната бројка на Ковид дијагностицирани од почетокот на епидемијата изнесува 14.293.
Додека Дебар и Кичево се без новозаразени во последните 24 часа, Делчево со десет нови случаи е меѓу градовите со најмногу заразени.
Во Кичево вчера не се регистрирани нови заразени, со што вкупниот број на заразени со Ковид-19 остана на 269 лица, од кои 70 се активни, 187 се излекувани и 12 лица се починати.
Без новозаразени во последното деноноќие е и Дебар, каде моментно активни на болеста се 84 лица.
Со десет нови случаи Делчево е меѓу градовите со најмногу заразени од Ковид-19. Новите случаи како што информираа од делчевскиот здравствен дом се резултат на претходните тестирања и веќе познатите кластери.
Со денешната бројка, активни на коронавирус во моментот во Пијанечко-малешевскиот регион се 110 пациенти од кои 48 во Берово, 39 во Делчево, 12 во Пехчево и 11 во М.Каменица.
Институтот за јавно здравје, во изминатите 24 часа, регистрира 81 оздравен пациент и шест починати, со што бројката на оздравени пациенти е 11.014 и 596 починати.
На Инфективната клиника во Скопје вкупно се хоспитализирани 73 пациенти, од кои на кислородна поддршка се 45. Во болницата во Козле се хоспитализирани 13 возрасни пациенти, 6 деца, 4 мајки и 4 деца суспектни на вирусот.
Во ГОБ „8 Септември“ вкупно хоспитализирани се 40 пациенти, од кои н а респираторна машина се 3 пациенти.
Во болницата во Битола се хоспитализирани 10, а во болницата во Штип се хоспитализирани 45 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 111, позитивни и сомнителни на ковид-19.
Ново на Сител
-
Хеликоптерите на МВР фрлија повеќе од 30 тони вода на пожарот на планината Плачковица | ВИДЕО
-
Хуманитарната катастрофа во Газа мора веднаш да престане, велат Париз, Лондон и Берлин
-
Најмалку 25 лица загинаа, а 280.000 останаа без покрив над главата од почетокот на обилните дождови на Филипините
-
Министерот Тошковски во посета на џудо тренинг сесија на полициските специјалци во Центарот за обука во Идризово
-
Трамп вели дека договорот со ЕУ има 50 отсто шанси, а договорот со Канада можеби нема да се случи
-
На Табановце се чека 40, а на Богородица 20 минути
-
Крадел од пациенти на Онкологија, Обвинителството поведе постапка
-
Две затворски казни од пет години и парична од 300.000 денари за фирма за предизвикан пожар над велешко езеро „Младост“ во август 2019