Активирана веб-страницата за пријавување за вакцинација против Ковид-19
Веб страницата преку која граѓаните ќе можат да се пријават за вакцинација против Ковид-19, почна да функционира.
Министерот за здравство Венко Филипче вчера изјави дека секој ќе може да се пријави, а системот ќе биде тој кој ќе генерира кои се приоритетни.
Освен по електронски пат со регистрација на веб страницата за вакцинација ( https://vakcinacija.mk/ ) , пријавувањето за вакцини ќе се врши и преку матичните лекари преку системот „Мој термин“.
Утврдено е како ќе се спроведува процесот на вакцинација против Ковид-19. Капацитетот за вакцинирање изнесува по 880 лица дневно во сите поликлиники во Здравствениот дом во Скопје и дополнителни близу 500 во пунктот во Клиничкиот центар во Скопје. Вакцинацијата ќе почне со здравствените работници и со лица над 70 години.
Засега се пријавени четири илјади работници, од кои околу две илјади се во Скопје, останатите се во другите градови. Таму вакцинацијата ќе се спроведува во пунктови по примерот на вакцинацијата за сезонски грип, така што во првиот момент кога вакцините ќе стигнат може и практично да започне процесот на вакцинација
До крајот на месецов во државава се очекува да пристигнат 200.000 вакцини од кинескиот производител „Синофарм“, а премиерот Зоран Заев најави дека следната недела можно е да пристигнат и вакцини од „Фајзер“. Во март се очекуваат вакцините на „АстраЗенека“ согласно КОВАКС механизмот.
Ново на Сител
-
СП во ракомет: Заврши бајката на Португалија, фаворитот Данска се пласираше во финалето
-
Фатен кавадарчанец кој побегнал од затворот во Гевгелија
-
Тетовчанец загинал на скопска обиколница откако излетал од патот
-
Студенти и граѓани денеска ги блокираат трите мостови во Нови Сад
-
Директорката на Клиниката "Козле" објаснува зошто докторката добила отказ
-
Уапсена 42 годишна жена, со „цитроен“ удрила во пешак и избегала
-
Намалена видливост поради појава на магла на повеќе патни правци низ Македонија
-
Русите извршија ракетен напад врз историскиот центар на Одеса