Акција за чистење на православни верски храмови

 ЈП „Комунална хигиена” – Скопје во пресрет на празникот Успение на Пресвета Богородица денеска спроведе акција за чистење на поголемите православни верски храмови.

Во рамките на акцијата, соопштија од ЈП „Комунална хигиена”, беше извршено рачно миење, метење и чистење на пристапните патишта, непосредната околина и дворовите на црквите во сите скопски општини.

– За време на големите верски празници на сите верски заедници во нашата земја спроведуваме засилени активности и настојуваме да ја одржиме хигиената на верските храмови на највисокото можно ниво, изјави директорот на ЈП „Комунална хигиена” – Скопје, Абдусамед Шабани.