Ахмети: Заев лаже, сите знаат дека тој ме молеше мене, јас го направив премиер
Лидерот на ДУИ Али Ахмети во предизборен настап пред гостиварци рече дека цел свет знае дека тој бил клучниот фактор Зоран Заев, поранешниот премиер да ја добие таа функција.
– Јас не сум политичар кој што тоа што го зборува на сабајле не го кажува навечер. Тој и се предомислува, зошто го познавам, но не прави добро затоа што така ги иритира Албанците, го стеснува просторот за партнерство. Јас сакам да победат затоа што сме ги почнале овие работи кои не се лоши, но со тоа што го прави тој го стеснува просторот за комуникација и на заедничко делување – рече вчера Али Ахмети од Гостивар.
Ахмети му порача на Заев дека му ги знае сите слабости, но тој не е како него да зборува јавно, тоа не е машки, рече Ахмети и додаде дека Заев го молел за да го направи премиер.
– Не ми личи мене да излезам и да зборувам за неговите слабости. Тоа не е машки, секако во текот на некое партнерство, комуникација, соработка за овие 20 години јас знам слабости и доблести за сите. Не е машки да се зборува. Тоа е затворено поглавје, завршена приказна. И тој лаже, сите знаат дека тој ме молеше мене и јас го направив премиер. Ова е вистината, целиот свет ја знае – додаде лидерот на ДУИ.
Тој на собирот додаде дека и претседателот на државата Стево Пендаровски ја има таа функција, благодарение на ДУИ.
– И овој претседател, за кој со целото срце се ангажиравме, беше и пред пет години кандидат, но изгуби. После пет години се обединивме и тој победи и јас му посакувам успех и здравје за да работи за доброто на граѓаните. Но, што ги вознемирува и што им предизвикува таква паника кандидатот за премиер, никогаш не би ми паднало на памент. Сите во паника се исплашени дека ќе ја земеме државата. Нема како да ја земеме, тука ќе биде државата – порача Ахмети.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово