Агаси отпаѓа, Штепанек нов тренер на Ѓоковиќ

Чехот Радек Штепанек, некогаш осми на тениската АТП листа, е еден од главните кандидати за нов тренер на Новак Ѓоковиќ.

 

Ѓоковиќ на почетокот на мај ја раскина соработката со комплетниот стручен штаб, а по мастерсот во Рим објави дека негов тренер ќе биде прославениот Андре Агаси.

 

Сепак, иако беше присутен на Ролан Гарос, славниот Американец не е во можност целосно да ѝ се посвети на работата со српскиот тенисер. Агаси со Ѓоковиќ беше само за време на првата недела на Ролан Гарос.

 

Српскиот весник „Политика“ објави дека долгогодишното пријателство помеѓу Шташанек и Ѓоковиќ, односно фактот дека тие двајца често трениераат заедно може да доведе тие да почнат да соработуваат како играч и тренер.

 

Истиот извор наведе дека евентуалниот ангажман на Штепанек нема да значи и крај на соработката на српскиот тенисер со Андре Агаси.

 

Во меѓувреме, Ѓоковиќ со семејството пристигна во Белград каде ќе се подготвува за третиот гренд слем, Вимблдон.