АФП - Македонија декади долг спор за името

Агенцијата АФП објави моменти од хронологијата на спорот меѓу Република Македонија и Грција за името.

- Несогласувањето е откако Македонија прогласи независност од Југославија во 1991 година и нејзиното признавање е блокирано од Грција заради името. Освен што Грција тврди дека тоа име е дел од нејзиното  наследство, Грција има провинција што се граничи со новата држава и стравува дека Скопје крие територијални амбиции.

- Во 1992 година повеќе од милион Грци протестираа во Солун скандирајќи „Македонија е грчка“.

- Со името Поранешна Југословенска Република Македонија, државата во 1993 година станува членка на ОН.

- Повеќето други држави меѓу кои и САД и Русија подоцна го признаваат уставното име на Македонија. 

- Грција воведува економско ембарго за Македонија и не дозволува користење на пристаништето во Солун. Грција бара да се смени знамето на Македонија со ѕвездата од Вергина кое според Атина, е грчки симбол, како и делови од Уставот.

- Во септември 1995 година соседите потпишуваат во Њујорк договор за нормализација на трговските и политички односи, но останува спорот со името. Следниот месец отвораат канцеларии за врски во главните градови и новото знаме се издига за првпат пред ОН. 

- Во 2005 година Македонија станува кандидат за член во ЕУ, но Грција блокира почеток на преговори. 

- Во 2008 година Македонија се претставува како  кандидат за членство во НАТО под временото име, но Грција става вето.

- Врските „потонуваат“ откако во Скопје во 2011 година на главниот плоштад е поставен споменик на Александар Велики. Атина смета дека тоа е обид да биде присвоен еден од нивните најголеми херои.

- По изборот за премиер во јуни 2017 година, Зоран Заев ветува нов бран за изнаоѓање решение за спорот и обнова на стремежот за членство во ЕУ и во НАТО.

- Најавен е оптимизам по преговорите под покровителство во ОН во јануари 2018 година. 

- Десетици илјади луѓе протестираат во Солун тој месец и бараат „Македонија е грчка и тоа не е за преговарање“.

- Заев најавува отстранување на името Александар Велики од главниот аеродром и од автопат. 

- Во почетокот на февруари тој изјави дека Македонија ќе вклучува и географска одредница во идното име. 

- Предлозите што се објавени во медиуми се Горна Македонија, Севрна Македонија, Вардарска Македонија и Македонија – Скопје.