Абази: Можеби сме се сретнале со Ахмети, но немам лични контакти со него или некој од ДУИ

Новоизбраниот Основен јавен обвинител на Основното јавно обвинителство за гонење на организиран криминал и корупција Ислам Абази прашан дали е точно дека е во блиски релации со ДУИ, Абази рече дека јавнообвинителската функција е неспоива со вршење на друга јавна функција или членување во политичка партија.

– Никогаш не сум бил или пак сум член на некоја политичка партија. Ниту пак во моето досегашно работење сум оставил впечаток дека имам одредени релации или позиции со одредена политичка партија, изјави Абази, посочувајќи дека нема лични контакти со Али Ахмети или некој друг од ДУИ.