30 дена притвор за дрвокрадците од Прилеп

30 дена притвор им одреди судија на претходна постапка на десеттемина дрвокрадци за кои МВР поднесе кривична пријава за напад на службено лице. 

Во четвртокот околу 20 часот полициски службеници од Полициското одделение Чашка додека вршеле службени дејствија на стариот пат Прилеп-Велес сопреле за проверка 3 патнички возилабез регистерски ознаки при што едното возило избегало. Останатите две возила биле натоварени со огревни букови дрва кои од страна на полициските службеници биле одзмени. Притоа наишла поголема група на граѓани меѓу кои и десетте пријавени лица кои почнале агресивно да се однесуваат игнорирајќи ги усните наредби со тврди предмети ги искршиле стаклата од полициското службено возило, а ги нападнале и полициските службеници.